كيفية الحصول على منحة للدراسة في السويد

السلام عليكم :) هاد الموضوع للناس لي باغيين يكملو الدراسة ديالهم فدولة السويد 😉

إذا كانت عندك إجازة و كانت عندك الرغبة تكمل قراية ديالك في السويد ( ماستر ) , و إذا مكانتش عندك الاجازة هاد العام زير فالقرايا و دفع العام جاي إن شاء الله , أو وصل المنشور لشي حد يمكن يستافد من الفرصة 

:)

1- مميزات المنحة :
=> الجهة المانحة تتكلف بمصاريف الماستر اللي ممكن تفوت 250.000 الف كرون سويدي
=> مصروف شهري وقدره 9.000 كرون
=> مصاريف سفر 15.000 كرون (مرة واحدة فقط)
=> عضوية في شبكة المعهد السويدي العالمية لقادة المستقبل وشبكة الخريجين

2- شروط المنحة :
=> ان تقبل في احدي الجامعات السويدية 
=> 3000 ساعة عمل او تطوع او تدريب او منصب قيادي 
=> ان تتمتع بصفات قيادية - و هادي ممكن تثبتها من خلال اي نشاط تطوعي او عملي
=> ان تكون مواطن لأحد الدول المؤهلة لي من بينها الدول العربية التالية : 
المغرب، الجزائر، مصر، العراق، لبنان، ليبيا، السودان، سوريا، تونس، الضفة الغربية وقطاع غزة، اليمن.

*ملاحظة 1 : المستوي في اللغة الانجليزيه مطلوب , و كيدخل غالبا في شرط الجامعة و كيبقى على حسب الماستر لي غادي تدفع ليه, ( حاول دائما مافيها باس تقلب على شروط القبول فالماستر ) 
*ملاحظة 2 : يعفى من شرط امتحان اللغة سواء كان TOEFL أو IELTS , الطلبة لي كانت دراستهم بالانجليزية وتكون جامعتهم او المعهد فين قراو مذكور في International Handbook of Universities ( ممكن تقلب في الرابط التالي
https://goo.gl/XegNwE

خطوات التقديم:
- اولا: التقديم علي موقع التنسيق للجامعات و هاد الجهة مستقلة عن الجهة المانحة بالاضافة ان الجامعات ما عندهاش علاقة مباشرة بالجهه المانحة غير انها تاخد منها مصاريف دراستك فقط .
و هنا موقع التقديم للجامعة : https://goo.gl/H8wkCX 
( تسجل واختار حد اقصي 4 ديال ماستر ورتبهم حسب اولوياتك انت خاصك تختار من هاد القائمة :https://goo.gl/QncioF واخر موعد للتقديم 15 يناير وفي نفس الموقع غا ترفع وريقاتك ( شهادات و الباسبور ) 
للاسف هاد العام خاص تخلص رسوم التنسيق 900 كرون ( تقريبا 1000 درهم مغربية ) قبل التقديم أي قبل 1 فبراير.

- ثانيا: من 2 فبراير- 9 فبراير كاتبدا دابا ادراءات التقديم للمنحة ( من باب التذكير داكشي لي داز كان التقديم للجامعة ) المنحة غا تقدم ليها هنا :https://goo.gl/pQQ2qi ونفس اللينك فيه الاوراق المطلوبة , غا تيليشارجيعا و تعمرها بشكل صحيح و تكون جاهزة لوقت التقديم.

⬅️ بغيتي معلومات كثر دخل قرا تفاصيل المنحة و ما فيها باس حتى ضرب طليلة على قسم الاسئلة المتكررة هنا رابط الاسئلة ⬅️ https://goo.gl/4bhGxA ➡️

هاد الليان فيه طريقة اثبات ساعات العمل https://goo.gl/Nyv85p

 يوم 6 ابريل غا يوصلك ايميل من موقع التنسيق يؤكد اختيارك في الماستر ولازم تكون admitted باش تقد تتنافس على المنحة , للأسف إذا كنت في لائحة Reserve او Rejected مغاديش تقدر تستافد من المنحة

- رابعا: يوم 26 ابريل الاعلان عن ال 180 متقدم المقبولين في المنحة و ديك ساعة كل ما يلزمك هو أنك تأكد قبولك المنحة 😁 ( ههه و إذا ما بغيتيهاش اعتاذر 😅)

***نصيحة هامة: من بعد الباك بصفة عامة و من بعد الاجازة بصفة أخص حاول تدير إيميل بروفيسيونيل يكون مؤلف من الاسم ديالك الشخصي و العائلي أو اختصار ليه,( ههه خلينا من هاديك Simo_pirate007 و Fati-fleur 😅 )

#بالتوفيق_للجميع